Bryndís frá Munaðarnesi

20.8.2008 | 17:20

Brúðkaupsafmæli

Í dag eigum við Bjarni 3 ára brúðkaupsafmæli. Og var Indi skírður þann dag Smile Þetta var mjög fallegur dagur. Fengum þetta frábæra veður. Við vorum farin að vera svolítið smeyk, þar sem það var búið að vera norðan þoka alla vikuna áður. En ég hét á hann Hallvarð, og ræddist úr veðrinu. Svo komu hitaskúrir þegar við löbbuðum útúr kirkjunni. Og það var eina rigning þann dag. Og hef ég heyrt að það boði gott. Eitthver sagði mér að það þýði frjósamt hjónaband LoL Það hefur ræst ágætlega úr því Grin . Við vorum að spá í að gera eitthvað í tilefni dagsins, fara út að borða eða eitthvað. En er bara að spá í að grilla bara í kvöld. Ég ætla að rölta yfir í ríkið núna og kaupa freyðivin, og fara með brúðkaupsstaupin og skála upp í húsi í kvöld Smile

Annars er bara fínt að frétta. Vorum í bænum um síðustu helgi, að kíkja á útsölur, og þá sérstaklega á flísum og svoleiðis hlutum. Og náðum við að kaupa flísar á baðherbergið og forstofuna. Og svo erum við á fullu að kaupa allt í húsið núna. Eins og t.d. milliveggjasteina, steinull, einangrunarplast, og allt þetta sem þarf. Húsið er eigilega orðið fokhelt. Búið að setja flest gler, og loka því. Svo núna er Bjarni byrjaður á fullu. Við verðum að vera búinn að setja steinullina og gera milligrindur, fyrir mánaðarmót, því þá kemuru múrarinn. Svo nú er smá stress í gangi FootinMouth En vonandi hefst þetta allt. Og planið er ennþá að reyna að flytja inn fyrir jól.

Svo hef ég verið að vinna hjá Unni systur aðeins í Snæþvotti þessa viku. Bara rosa gaman. Gott að komast aðeins út af heimilinu eftir 5 ár að vera heimavinnandi. Svo kemur Gugga í þessari viku, og er þá flutt vestur í Grundarfjörð til okkar. Og fer svo að vinna í Snæþvotti í næstu viku. Svo þá erum við öll systkinin komin á Grundarfjörð Tounge

En jæja ég held að þetta sé gott í bili, set eina mynd hér í lokin af krökkunum sem ég tók í síðustu viku, þegar við fórum í göngutúr, og með okkur voru Emilía og Sólveig Ásta