Á réttri leið:)

Það gengur allt vel enn þá upp í húsi. Ekkert stopp enn.  Þó að píparinn kemst ekki alveg strax, þar sem gólfefnakerfið er ekki til á landinu, en er væntanlegt í þessari viku, svo við vonum að hann komist til okkar ú vikunni. 

En á meðan þá er smiðirnir að setja upp loftgrindurnar. Múrarinn er búinn í bili, á bara eftir bílskúrin og smá inní gluggum. Hann ætlar að koma aftur um miðjan nóvember. Og vonandi getur hann líka flísað fyrir okkur baðherbergið í leiðinni.

Svo ef allt stenst, þá ættum við enn að geta flutt inn fyrir jól

Hérna koma nokkrar myndir sem ég tók um helgina

VIð hjónin í stofunni okkar

Við héldum uppá afmælið hennar Veigu um sl helgi. Hún var voða ánægð með alla gestina:)   Hún fékk þennan fína kjól frá mömmu, sem hún prjónaði á hana.

Það fer alveg að koma að því að hún fari að labba. Svo gengur henni voða vel á leikskólanum. Smá bakslag samt núna, þegar ég er að fara á morgnana. En hún er fljót að jafna sig. Svo í dag þegar ég sótti hana, þá var svo gaman hjá henni, að hún var ekkert alveg tilbúinn að fara heim

En jæja hef þetta ekki lengra í bili, ætla að fara að mála kermik, var að kaupa mér jólastyttur, og er í kafi í því núna. Mér finnast það svona notalegt með veturnar, þá fer maður að gera meira svona. Ég hef verið að sauma út á kvöldin, yfir sjónvarpinu. Og núna ætla ég mér að fara að mála:)

Sv ég bið að heilsa ykkur í bili

með kveðju

Bryndís 

 

 

halló

Jæja best að koma með smá blogg  Lífið gengur sinn vanagang hér í Grundarfirði.  Bjarni er á fullu uppí húsi með múraranum.  Það gengur bara rosa vel. Ég verð að fara að taka mynd og setja inn hér:)   Þeiru eru að vinna í húsinu frá 8- 19 svo það er langur vinnudagur.  Það þýðir ekkert að slaka á ef við ætlum að reyna að flytja inn fyrir jól.   Sumir segja að ég sé ansi bjartsýn á að geta flutt inn fyrir jólin, en ég er ekki enn búinn að gefa upp vonina um það. Mér er sama þó ég flytji inn á aðfangadag, bara að það sé fyrir jól, og við getum haldið jól þar. Nenni ekki að halda jól aftur í kössum, og hana nú....... 

Veiga er veik núna, svo hún hefur bara mætt 1 daga á leikskólan í þessari viku. En hún er öll að lagast núna.  Svo var Indi að brjóta glerið í gleraugunum sínum. Hann var að hlaupa úti og datt á hausin og beint á gleraugun. Svo ég er að fara með hann til augnlæknis í næstu viku. Því það er nálgast að það verði komið ár síðan hann fékk gleraugun og hefur sjónin örugglega breyst síðan þá.   

Í gær fórum við foreldrar í Grunnskólan með Einar. Þar sem hann byrjar í skóla á næsta ári, þá var okkur boðið að skoða skólan með öllum árgangunum hans Einars. Einar hlakka mikið til að byrja í skóla.  Það verður mikið samstarf á milli skóla og leikskóla síðasta árið á leikskólanum, og sérstaklega eftir áramót  Það verður gaman

En jæja best að segja þetta nóg í bili 

Eitt myndband í lokin með ABBA til að koma okkur í gott skap

með abba kveðju Bryndís 

 

Sólveig Stefanía 1 árs

Í dag er ár síðan að Sólveig fæddist  Hún fæddist kl 22:40.  Ég var hér heima í Grundarfirði þegar reglulegir verkir voru byrjaðir. Og drifum við okkur á Skagan. Og 5 mín eftir að við vorum komin á spítalan misst ég vatnið og 3 og hálfum tíma síðar var hún fædd Alveg yndisleg stund.  Hún fæddist í framhöfuðstöðu, og þar að leiðand gekk þetta aðeins lengur fyrir sig. En gekk að lokum

Við mæðgur að hittast í fyrsta skipti 18 október 2007

við mæðgur í dag 18 október 2008 

Hún er að byrja á leikskóla núna. Búinn að mæta 2 daga. Og var meiri segja haldið uppá afmælið hennar í gær. Henni finnst alveg æðinslega gaman að vera með krökkunum. Þetta er mun erfðara fyrir mig.  Að litla barnið mitt sé byrjað í leikskóla. En henni finnst þetta ekkert mál

voða ánægð með kórununa í leikskólanum

Hef þetta ekki lengra að sinni, ætla að njóta laugardagskvöldsins með góðri mynd og sælgæti

kv. Bryndís 

Aftur til fortíðar

Hér eru fleiri myndir af forfeðrum mínum

Þetta er hún Sólveig Stefanía, langamma mín. Hún var fædd 1890 og deyr árið 1948. Hún var húsfreyja á Seljanesi.  En hún fæddist á Krossnesi.  Sniðugt að enn í dag er nafn hennar haldið á lofti

 

Þetta er Jón langafi, maðurinn hennar Sólveigar Stefaníu. Hann var bóndi á Seljarnesi. Hann var fæddur 1885 og dó árið 1967. 

 

Þetta er hún lang-lang amma mín, Rósa Solveig og var mamma hennar Sólveigar Stefaníu. Hún var barnabarn Vatnsenda-Rósu.  Hún var fædd 1851 og deyr af barnsförum 1890, eða þegar hún eignast Sólveigu Stefaníu. Hún eignast 8 börn og deyja 4 þeirra undir 2 ára aldri.

 

Þetta er Benjamín lang-lang afi minn. Hann var  maður Rósu Sólveigu. Bóndi á Krossnesi, hákarlaveiðimaður og bátasmiður á Ísafirði. Hann var fæddur 1845 og dó 1909.

 

 

 

Bjartsýn

Ég er bjartsýn manneskja, og hef alltaf verið. Og reyni ég núna að láta þetta krepputal ekki hafa áhrif á mig. Og erum við að byggja okkur hús á "besta" tíma.  Og ef ég færi að hugasa um allt sem gæti gerst í þessum krepputíma, þá væri ég orðin geðveik. Svo ég reyni að láta þetta bara fljóta framhjá mér.  Þetta reddast allt saman. Er það ekki  Við vorum með allt okkar í Landsbankanum. En ákváðum fyrir nokkru að fara heim með allt okkar, Sparisjóð Strandamanna. Þar er betra hljóð í mönnum.    Svo er ég líka stofnfjáreigandi í Sparisjóðnum heima, svo ekki er verra að styrkja sjálfan sig   Ég var alltaf í Sparisjóðnum, en fyrir svona 3 árum hringdi Kaupþing banki í mig, og bauð mér að koma til sín, þar sem Bjarni var þar, og fengum við svo góð kjör ef við værum bæði þar. Svo ég ákvað að flytja mig þangað.      En ég var aldrei ánægð hjá Kaupþing. Svo þegar við ákváðum að flytja hingað vestur, þá fórum við með allt okkar í Landsbankan hér. En erum sem sagt komin aftur til Sparisjóð Strandamanna. 

    Í dag 11 október var ég sett fyrir einu ári að eignast Sólveigu.  Og var ég á Skaganum að bíða eftir að hún kæmi í heimin. Þessi mynd er tekin af mér 11 október 2007.      Ég hélt að ég væri komin á stað. En verkirnir duttu niður aftur. Og daman kom ekki fyrr en viku seinna 18 októbe Tímin líður so hratt. Veiga litla að verða 1 árs eftir viku. Hún er algjör gullmoli.  Henni finnst alveg æðinslegt að fara í heimsókn í Snæþvott til Unni og Guggu. ALveg dolfallin að horfa á þvottavélarnar og þurrkarna snúast Svo finnst henni æði að fara í heimsókn á leikskólan, þegar ég sæki strákana, þá vill hún bara fara inn á deild til litlu krakkana að leika sér.Svo ég held að hún sé alveg tilbúinn að byrja á leikskólanum. Þó ég sé varla tilbúinn að sleppa henni

Annars ganga byggirnar mjög vel.  Píparinn er búinn að vera hjá okkur, og fer aftur í dag. Og múrarin er að múra húsið. Svo þetta gengur allt vel núna. En þar sem við keyptum grunnin tilbúinn, og þegar píparinn okkar fór að vinna í pípunum kom ljós að  sá sem lagði í plötuna hafi  ekki staðið sig vel. Flest á vitlausum stöðum og sumt bara sleppt. Svo ekki var farið vel eftir teikninguni. Svo ekki miklir fagmenn þar á ferð. Svo það kostaði okkur mikla brotavinnu og stúss að laga þetta.  Maður vonar bara að það sé í lagi með þetta allt undir húsinu. 

Þakkanturinn er komin og erum við byrjuð að bera á hann. Og lítur þetta allt mjög vel út.  Ætla að reyna að komast uppí hús í dag að mála þakkantin.  Nýta alla daga sem rignir ekki

Svona leit þetta út fyrir nokkrum dögum.  Verður gaman þegar þetta verður búið.

Ég er með ráð fyrir ykkur til að vera jákvæð í öllu þessu krepputali, hlusta á Abba Svo uppörvandi lög. Alla vega finnst mér það..........Er að hlusta á Super Trouper Snilldar lag.......Smiling, having fun

En segi þetta nóg í bili

kv. Bryndís

 

Fortíðin

Var að skanna myndir af forferðum mínum og vildi ég deila þeim með ykkur

 afi Jón Guðmundsson frá  Stóru-Ávík   F:1910  d: 1974

 

amma Unnur Aðalheiður Jónsdóttir frá Stóru-Ávík      f:1917       d:1991

 

langamma Anna Benediktsdóttir. Húsfreyja í Stóru-Ávík.            f:1874.  d.1937   (hún var móðir afa Jóns) 

 

langafi Guðmundur Jónsson. Bóndi í Stóru-ávík    f:1872    d:1959   (hann var faðir afa Jóns)

 

 

langamma Guðlaug og langafi Guðmundur Gísli frá Munaðarnesi.  Guðlaug langamma var fædd árið 1876 og lést af barnsförum 1915.  Þau áttu 9 börn og þar á meðal afa Jens.  Og dóu þrjú barnana ung. Tvö þeirra náðu ekki 1 árs aldri. En einn náði 8 ára aldri. Svo voru það afi Jens, Indi, Einar, Beta, Guðrún og sú yngsta Guðlaug náðu öll háum aldri.

Þegar maður hugsar um það, hvað maður er heppin að lifa á þessum tíma í dag. Öll læknaþjónustan og öruggið sem við búum við í dag.   Guðlaug langamma deyr viku eftir að hún eignast Guðlaugu dóttir sína, úr barnsfarasótt.  Og var það talið að það hafi verið meðgöngueitrun eins og það kallast í dag. Hún var með mikil bjú og öll einkenni  meðgöngueitrunar. En í þá daga var ekkert hægt að gera í því.   Svo líka að missa þrjú börn sín.   Alveg skelfileg. Maður getur bara ekki sett sig í spor þeirra.    Langafi Guðmundur Gísli náði 68 ára aldri. Deyr árið 1939, sama ár og pabbi fæddist. Og er pabbi skírður yfir kistu hans, í höfuðið á honum.

Var einmitt að skoða í Íslendingabók, og þar sé ég að langafi Guðmundur Gísli átti 11 systkini, og alla vega 6 þeirra deyja undir 4 ára aldri.    Að hugsa sér að missa helmig af börnum sínum fyrir sjúkdómum sem í dag væri hægt að bjarga.

En jæja best að fara að sofa. Ætla að kyssa öll börnin mín áður en ég fer að sofa, og hugsa hvað ég er heppin:)

Góða nótt allir saman

með kveðju úr roki og rigningu Bryndís

 

Klukkuð

Var víst klukkuð af Berglindi Svo ég þarf að svara nokkrum spurningum

Fjögur störf sem ég hef unnið um ævina:

Kaupfélag Steingrímsfjarðar

Fjarðarkaup

Sæfang

Alcan

Fjórar bíómyndir sem ég held upp á:

Mural´s Wedding

Pretty woman

dirty dansing

 

 

Fjórir staðir sem ég hef búið á:

Munaðarnes, Árneshrepp

Skipasund, Rvk

Kjarrhólma, Kópavogur

Hrannarstíg, Grundarfjörður

Fjórir sjónvarpsþættir sem mér líkar:

30 Rock

Dagvaktin

Svartir englar

The Tudors

Fjórir staðir sem ég hef heimsótt í fríum:

New York

Skotland

Þýskaland

London

Fjórar síður sem ég skoða daglega fyrir utan blogg

Facebook

mbl.is

visir.is

Grundarfjörður.is

Fernt sem ég held upp á matarkyns:

lambalæri með öllu tilheyrandi

lambahryggur með öllu tilheyrandi

heimabökuð pizza

hamborgarahryggur

Fjórar bækur sem ég hef lesið oft:

er ekki mikill lestrahestur

Fjórir bloggarar sem ég klukka:

Hafrún systir

Jóhanna mágkona

Unnur Systir

Friðbjörg

 

 

 

Fyndið

Ég var að skoða skoðunarkönnuna sem ég er með hér til hliðar. Og samkvæmt því á ég 7 systkini Síðast þegar ég vissi voru þau 5 Bara fyndið

En annars er bara allt gott héðan úr Grundarfirði. Orðið voðalega kalt úti. Og er maður búinn að ná í kuldagallana handa krökkunum.  Svo veturin er að skella á.

Húsið gengur svona ágætlega. Rafvirkin ætlaði að mæta í gær, en gat það ekki, svo hann sagði sagðist ætla að mæta í dag. Svo það er spennandi að vita hvort hann sé mættur.   Svo ætlar píparin að mæta í þessari viku. Vonum að hann komist á réttum tíma, því múrarinn ætlar að mæta í næstu viku. Og þá verður rafmagn og pípulagnir að vera búið, það sem þarf að múra yfir.  Þetta er eitt STÓRT pússluspil.

Ég ætlaði að láta Sólveigu byrja í leikskólanum í dag, en bara gat það ekki:) mömmuhjartað var alltof sterk, og þar sem ég er ekki búin að fá vinnu, þá get ég látið mömmuhjartað ráðið aðeins lengur Ætla bíða aðeins, alla vega þangað til ég veit hvernig er með vinnu hjá mér. Þó ég viti að það verður örugglega ekkert auðveldara að setja hana á leikskólan eftir 2-3 vikur.  Alltaf jafn erfitt.  Strákarnir mínir voru heima hjá mér til 2 ára aldurs, og fannst mér erfitt að setja þá á leikskóla þá. Svo þetta er ennþá erfiðara. Hún er rétt að vera 1 árs.  Já það er nú eitt, hún er að vera 1 árs 18 október. Alveg ótrúlegt hvað tímin líður fljótt

Svo er allt að verða svo dýrt. Og tökum við vel eftir því í byggingunni. Hvar endar þetta. Ég er farin að halda að við þurfum að ganga frá lóðina með handafli.  Ég var að kaupa þessa fínu stunguskóflu og ég geri þetta bara sjálf Þetta var gert svona í gamladaga, við hljótum að geta þetta núna líka Fínasta líkamsrækt líka      Margt hefur breyst á þessu 1 og hálfu  ári síðan við ákváðum að byggja.  

En set eina mynd af mér í húsinu:)

 með kveðju Bryndís

Einu sinni var......

Eins og ég hef sagt áður finnst mér svo gaman að skoða gamlar myndir.  Og var í þessu að skoða myndir. Og set hér nokkrar

Palla og ég í Kistuvogi

Nintendo var sko aðal málið árið 1992

ég, Gugga og Ástrós á leið á sveitaball 1998

í Sauðburð, örugglega í kringum 1992, umvafin frændsystkinum

ég (ég held að ég sjái nú svip af Sólveigu minni þarna)

Bjarni (og sést líka þarna hvað Sólveig er lík pabba sínum

En ætla ekki að hafa þetta lengra, nema ég að ég ligg hér uppí sófa á laugardagskvöldi, og er að háma í mig sætindum, og er frekar sybbin, en neita að fara að sofa

kveð ykkur að sinni

Bryndís

91 dagur til jóla:)

Já ég búinn að vera að versla svo að jóladóti, að það mætti halda að jólin væru í næstu viku hjá mér En það er nú ástæða fyrir því. Þar sem búð hér í bæ er að hætta, og er 70% afsláttur af öllu jóladóti, og er ég búinn að missa mig aðeins Ég ætti alla vega ekki að þurfa að kaupa jólaskraut næstu árin.

Annars fór ég með Sólveigu aftur á Skagan í gær, þar sem var verið að setja rör aftur í eyrun á henni. Og voru set T-rör, í staðin fyrir venjuleg rör. Þar sem hin héldu ekki.  Og gekk þetta bara mjög vel.  Og verður hún líklega með þau í 2 ár.  Læknirin tók það saman að hún væri búinn að fá 6 sinnum sýklalyf á þessu ári, vegna eyrnabólgu. Og er hún ekki orðin 1 árs.  Ekki nógu gott. 

Mamma fór með mér á Skagan og fór ég með hana til Fanney frænku á meðan við fórum á spítlan. Og svo fór ég í heimsókn til gamla vinkonu, hennar Friðbjargar, en við vorum að vinna saman í Fjarðarkaup fyrir 13 árum(vá)  Og var gaman að láta loksins verða að því að kíkja í kaffi, takk fyrir mig Friðbjörg

Nú er Bjarni að fræsa fyrir rafmagnsrörum í veggjum í húsinu okkar:)  Svo það er allt á fullu í húsinu. Svo fer hann suður í kvöld að vinna. Svo á píparin að koma í næstu viku.

Svona lítur þetta út núna

Þetta lítur mjög vel út allt saman.

Maður getur nú ekki annað en minnst á þetta veður sem er búið að vera, rok, rok og aftur rok, og ekki má gleyma rigningunni.  Svo mér sýnist að þetta ætlar að vera alveg eins haus tog í fyrra.  GREAT. En við fengum æðinslegt sumar síðast. Þá vonar maður bara að það verði eins á næsta ári.

En ætli þetta sé ekki nóg í bili

Bið að heilsa ykkur öllum

kv. Bryndís